غياب الروح

 شغف ميديا - shaghaf media

✍️ندا ابراهيم خزنا

غياب يلي منحبو متل غياب الألوان عن الصور ؛ ومتل غياب العطر عن الوردة ؛ مابيخليك تموت بس بيخليك تفقد معنى الحياة ..

غياب الي منحبو بيلغي حضور الكل .متل ما كان حضورو بيلغي وجود الكل

في ناس كتير لكن بصير مافي غيرو ..

باختصار : غياب الي منحبو هو غياب الروح عن حياتك

               *        *         *        *                 

بغيبتك غاب الفرح .............. وبعيني غاب البريق 

ما في مثيلك بالدني ............. وحدك دهب العتيق   

من بعد ما كنا سوا ................ و إلنا الفرح بيليق 

طيرين حب بهالسما .............. ما بيتعبوا  التحليق

فارقتني  تركت الدني ............... بقلبي ولع الحريق  

               *        *         *        *

شفتك بنومي اليوم .............  بطلت   بدي    فيق

تنيناتنا  كنا سوا ............. وفجأة رحت تشريق

قلت راجع . صدقت ............... بعرف حكيك  دقيق 

قلت راجع  . و انطرت ............. وحدي بجنب الطريق

و تا إكسبك تكة بعد .............. غرقت بنوم العميق

بلكي الغفا بيرجعك ............... من البعد السحيق 

وصار الحلم هوي الأمل.............. قشة و شافا الغريق 

معقول ماشوفك بقى .......... شو  بيصعب التصديق 

               *******************